試想想你想針對性在指定地區內推廣你的產品或讓附近潛在客戶得到你的信息，最傳統的方式便是在那地區擺設易拉架，派傳單或張貼海報等等…可惜這些方式的覆蓋範圍很細，也可能需要大量人手進行，而且遇上目標客戶的機率有如大海撈針。

使用上LBS便能夠在地區指定範圍和時間內為你們準確地對目標客戶與潛在客戶的手機上推送你想傳達的信息，這樣能增加準確信息傳達率和善用宣傳預算。以下就用其中一個例子來告訴LBS的特別之處。

假設一間餐廳想他們附近的外賣客戶得到每天特選套餐資訊，餐廳可以透過使用LBS設置在 11：00至12:00這段最佳外賣準備時間對他們的外賣客戶手機上推送套餐資訊。如此同時LBS也可以針對餐廳附近的範圍內，配合目標篩選設置，將餐廳的套餐資訊推送到潛在外賣客戶的手機通知欄。這是一個雙嬴的局面，目標客戶得到套餐資訊同時也會為餐廳提高營業額。

同類型的例子亦可以應用到零售速銷，假設一間女裝時裝店正進行清貨減價，店鋪可以針對店鋪附近一公里內年輕女性，配合目標篩選設置 (例如是否網購習慣)，再將服裝的款式或者減價的信息推送到這些潛在客戶的手機通知欄。

這種LBS廣告對比傳統的派傳單，好處是可以預先篩選目標受眾的特性，再將適合的信息於合適的時間和正確的地方，進行針對性的派送。一來潛在客戶的反應率會比較好，二來亦可以節省不必要的印刷費。另外，透過智能手機，廣告受眾更可以於手機透過連結，直接瀏覽預先製作好的網頁或者公司專頁，做到更多的互動甚至查詢，比起手持一張A5或者A4的傳單能夠提供的內容，絕對會更詳細更吸引，從而更容易將客戶帶到店鋪。

The post LBS 技術在廣告業的應用 appeared first on VOICE Ltd..

國際級知名企業大師 Tom Peters曾經講過 “The women’s market is Opportunity Number One for the foreseeable future.” 有研究顯示, 85%的購買決定是取決於女性, 企業的採購部門中有51%是女性, 在新興企業中，女性企業家亦佔了70%。女性是世上最Powerful的消費者，不論是家庭或者企業採購，女性都是重要的Decision Maker。對長期行銷來說，Target女性比男性更加有利可圖，尤其是女性消費者的忠誠度和喜歡口耳相傳的習慣，絕對可以為你帶來更多生意。

但究竟點先可以成功地贏得女性消費者的心呢? 世上並無一套行銷手法可以不分性別，Target晒所有消費者。女性對購物自有一套獨特的優先考慮順序、偏好和態度。如果行銷者懂得巧妙運用性別上的差異來制訂行銷策略，必定可以創造更大的市場優勢。

以Wedding行業為例，雖說結婚為兩個人的人生大事，但一般男士都是以滿足太太要求為最大前提。“老婆想點婚禮點就點，想做art decoration就做art decoration，想好好睇睇就一定唔可以做得差。 咁多樣野要搞，又要揀pre wedding，又要搞wedding banquet，又要諗art decoration，又唔知邊間好，總唔會有鋪頭會話自己差，揀著黑店實俾老婆怨一世。”

以上都係一般準備結婚的男士煩惱，而猜測男士消費者的思維並無意義，因為整個業務流程中，女性消費者才是最重要的Decision Maker。以下是女性消費者的心理特徵。

1. 注重產品的外表和情感因素

男性在購物時，相對會比較注重商品的基本功能和實際效用，在購置大件而貴重的商品時會有較強的理性考量，而女性在購物時，相對會比較注意商品的外觀、形狀，以及尤其重視當中的情感因素。例如品牌的寓意、款式、色彩所產生的聯想、商品形狀帶來的美感，以及環境氣氛所形成的溫馨感覺等等，都可以促使女性消費者產生購買動機，甚至可以定義為衝動型購買行為。所以針對女性消費者，購物現場的環境和銷售人員的解說，很多時能夠很大程度地左右甚至改變女性消費者的消費決定。以Wedding行業當中的Art Decoration商店為例，會客室的色彩和佈置必須仔細安排，不能抱以 “差不多” 的心態，先從環境氣氛著手，再配以專業而親切的銷售解說，自然更容易令人產生購買動機。

2. 注重產品的細節設計

女性消費者心思細膩，追求完美，因此她們對購買商品時比男性更注重商品細節，通常會花費更多的時間在不同廠家的不同產品之間進行比較，更關心商品帶來的具體利益。現在豐富的同樣的產品比性能，同樣的性能比價格，同樣的價格下比較服務，甚至一些小的促銷禮品和服務人員熱情的態度都會影響女性消費者的購買決定。這就要求商家對產品的細節做到盡善盡美，避免顯而易見的缺陷。追求完美的客戶通常都是雙面刃，當你達到她們的要求時，她們的忠誠度會特別高，甚至為你介紹生意，但當你得罪她們時，差評負評和黑店等評價相對亦會滔滔不絕，所以再次一提要謹記注意細節。

3. 注重商品的便利性和創造性

現代女性不但重視工作事業，又要於家中做家務勞動，所以迫切希望減輕壓力，希望得到更好的娛樂和休息。因此，她們對商品的方便性有更強烈的要求。新的方便消費品會誘使女性消費者首先嘗試，富於創造性的事物更使女性消費者充滿熱情，以顯示自己獨特的個性。再以Wedding Art Decoration為例，富有個人色彩的高創造性佈置，絕對會是女性消費者的追求，例如可能新娘最喜歡的素材是蘋果木，商店可以用蘋果木作為佈置的主要材料，營造豐富的個人風格。

4. 情緒變化比較敏感

銷售人員必須注意要關注女性消費者的情緒變化。男性比較注重服務人員的知識和技能，而由於女性同時對態度也比較敏感，服務人員不經意間哪怕一個怠慢的動作，一句不耐煩的話語，一個輕蔑的眼神，都會將之前滔滔不絕的服務成果毀於一旦。女性消費者的自我意識、自尊心較強，喜歡評價商品，根據自己的愛好和標準分析商品。購買後，她們渴望得到別人的讚賞。前線人員必須講究語言藝術，尊重女性消費者的自尊心，讚美她們的選擇，以助女性消費者的得到購物的心理滿足感。

5. 對價格比較敏感

商店可以考慮採用各種不同形式的促銷活動迎合對價格敏感的女性消費者。適當的促銷手段，可以增進女性消費者對企業及產品的好感，是開拓女性消費者市場的重要手段之一。價格的影響對女性比對男性大的多，一般來說女性很少能夠抵制住降價的誘惑。在市場中講價的多數都是女性消費者，一方面出於女人節約的天性，比較有耐心，另一方面由於家庭中大多是女性掌握財政大權，直接控制家庭日常開支。大多數家庭的理財方式都是男的開源，女的節流。有些女性一方面會用過萬元元買一個名牌手袋，而另一方面在街市買個蘋果卻對幾元幾角討價還價、斤斤計較。 可見女性比較計較小數目的低檔品，而對高檔品卻認為價高代表品質好。贈品正是迎合了女性的這種心理，例如，兩個商店的營銷策略不同：一家是低價，另一家是高價但有附贈品；很可能女性在沒有時間或能力比較兩家商品的質量時，認為高價的質量一定好，而有附贈品就更吸引了她們。

由於女性消費心理對消費市場的重要性，企業在制定行銷策略時，應特別注意女性的心理特徵及其變化趨勢，採取適宜的措施。例如櫥窗佈置，應該鮮明開朗，商品的設計、色彩、款式要盡量誘發女性的情感；在商品的包裝、經營方式等方面，要創新、方便。向女性消費者宣傳產品的好處和具體利益，比向她們宣傳商品的質量、性能效果更好。掌握到女性消費市場的新契機及發展趨勢的話，企業就可以做到先發制人，使企業商品的形象切合消費者的印象，將潛在消費者轉變為實際消費者，市場前景一定是廣闊的。

The post 女性消費心理特徵 (Wedding Art Decoration行業)   appeared first on VOICE Ltd..

香港人投訴文化嚴重，當中尤其針對服務性行業，例如飲食行業、Wedding行業、等等，一個唔小心得罪咗客人，第二天即時在網上見到差評、黑店等負面評價，圖文並荗，甚至拍埋片。嚴重起上嚟，可能被人登埋上報，或者喺蘋果動見到自己。

當然商戶一定做好service，訓練好員工，但如果真係不幸出事，面對網路惡意差評，又應該如何應付呢? 係咪只可以食死貓，立即沙冧呢? 喺度簡單俾少少貼士大家。

1. 千萬唔好逃避負評投訴，甚至刪除負面留言

其實做得生意，一定有機會遇到客戶投訴，重點在於商戶點樣處理。喺度提醒各位唔好以為唔理唔覆個客，個負評就會自然沉底，因為客人投訴得就一定已經有怒氣，你愈唔理佢就愈嬲，人嬲就會做好多你連諗都諗唔到嘅動作，所以最好襯個股怒火仲細就好好處理佢，而唔係逃避，或者Delete個留言，以為可以無眼屎乾淨盲。你愈避，對方只會愈嬲，公眾見你唔回應亦會覺得你心虛。

2. 積極、親切、快速地回覆

你回覆得愈快，就可以愈早平息件事，減少投訴人喺等待期間發爛嘅機會，亦都可以俾其他客人知道你地回應問題嘅效率。回覆時不妨俾客服用自己嘅名，而唔係好似機械人咁用公司名義，令對方感受到親切感，感受到被專人照顧嘅感覺。

3. 展現同理心，表示理解對方感受

唔好同對方嘈交，而係令對方感受到你明白佢嘅感受，雖然你可能真係唔明，或者覺得自己好無辜，但對方嬲緊嘅時候係唔會聽你解釋嘅，所以一定要先展現自己嘅同理心。

4. 不要爭論對錯，平息對方怒氣為先

唔理邊個岩邊個錯都好，客服嘅任務唔係同客人辯論，而係平息對方嘅怒氣或者不安，贏咗場交，輸咗個客，值得咩? 要記住對方投訴得就證明佢本身好有可能係對你嘅服務有所期待，係一個有潛質成為你長期客戶既人。

5. 提供具體改善方法

唔好求奇氹完個客就算，雖然對方嬲完事情已經好咗一大半，但問題依然未解決，你要令對方知道你會正正經經處理件事，等佢知道下一步係咩。

6. 考慮將爭議移到私下或線下處理

如果你無信心可以完善咁處理個別負評，不妨嘗試將討論轉移到線下處理，或者用私信電郵等單獨溝通，避免喺公眾平台出錯。

7. 用正面嘅思維同言語，讓公眾知道你願意虛心學習

正所謂知錯能改，善莫大焉。人誰無過呢? 如果真係做錯事，或者有進步空間嘅話，不妨坦白承認，用正面積極嘅態度回應客戶，令大眾知道你願意虛心學習，提供更好嘅產品服務俾佢地。

8. 不妨運用幽默感，將負評差評轉為有趣話題

大多數人都鐘意好笑野，  如果你有信心可以用幽默嘅方式將投訴或者差評轉化成為好笑嘅話題，不妨試下。一來可以贏得大眾討論，贏得支持，二來亦可以將大眾眼光轉移，令投訴聲化為笑聲, 甚至化為一種Art。不過哩招好高難度，如果唔好笑嘅話，可能反而會激嬲客戶，絕對要三思而後行!

The post 如何應付網路惡意差評 appeared first on VOICE Ltd..

咦，乜Instagram有得落廣告咩? 心水清嘅朋友可能記得Instagram喺2013年底曾經公佈過將會推出廣告功能，但香港呢邊一路都只聞樓梯響，廣告商遲遲都未有得落廣告。千呼萬喚始出來，IG終於喺9月9日正式宣布香港廣告商即將可以在Instagram上刊登廣告 (Instagram Ads ) 喇，廣告功能仲會喺9月底正式推出全球。

喺度講吓Instagram廣告嘅Format先，暫時Instagram Ads有三種:

1. Landscape – 即係長方形廣告，用戶可以左右滑動睇更多廣告訊息。
2. 影音 – 即係Video Ads，Instagram原本只能放15秒內嘅影片，而廣告片可以放30秒。
3. Direct Response – 即係有CTA (Click to Action) button嘅Feed，CTA button可以set做購買、了解更多、下載程式等等 (見下圖)。

係咪即刻想拎荷包出黎試吓呢? 咪住先，首先應該諗吓廣告應該點設計先切合Instagram呢個咁年青嘅平台。Instagram係一個以視覺出發嘅社交平台，係一個講求創意同靈感嘅地方，所以Instagram用戶對廣告創意嘅要求相應亦會提高。大家記得唔好hard sell，甚至要令自己嘅廣告保持娛樂性。

點樣先有娛樂性我就一時三刻俾唔到建議喇，不過都喺度俾少少最簡單嘅建議大家。記得廣告要有「一致性」，要令人一眼就認到你嘅品牌，同埋要有「明確信息」，令人睇完會有相關印象，仲有文字比例記得要跟足廣告刊登政策，唔好超過20 %。 丫，差啲講漏，就係廣告幅圖記得要清要靚! 我呢句唔係玩嘢架，真係有客俾啲起格圖我出廣告架。

希望大家能夠好好運用IG呢個平台，做好廣告設計，做好粉絲互動同管理，自然就可以做多啲生意。

圖片來源: Facebook

The post IG廣告來了 appeared first on VOICE Ltd..

坦白講，以上對話除咗令我有啲無奈之外，其實亦令我反思原來網絡行銷哩個行業，雖然已經發展咗10幾年，但認識哩個行業嘅人真係唔算多。根據本人經驗，以下係一般人對從事網絡行銷人士嘅錯覺: 論壇打手, Programmer, I.T.人, 機械人, Designer, 作家等等。

其實網絡行銷係一門科學 (賣花讚花香)，主要利用線上媒介，發展以及宣傳企業。當中方法可以仔分為: 搜尋器推廣 (例如搵野必用嘅Google, Yahoo, 百度等) , 展示式廣告 (例如十分常見嘅Banner廣告), 社交推廣 (例如你每日都會睇嘅Facebook, Instagram等), 影片廣告 (例如被Skip唔收錢嘅YouTube廣告), 仲有口碑行銷, 聯盟行銷, 電郵行銷……下刪三千字。

大家有無諗過每日上網見到嘅資訊從何而來? 每日睇Facebook時點解某位眉清目秀嘅仁兄總會排得比較前? 點解Search同一隻字，你同我嘅Search result會唔同? 點解登記會員時成日要填某堆野而唔係其他? 點解Banner廣告成日識得顯示我旅行想去嘅地方? 點解要問咁多點解?…

喺網絡世界入面，每一篇文章，每一個排序，每一個連結，每一個按鈕，背後都有不同嘅數據同分析嚟支持。包括點擊率、跳出率、停留時間、質量指數、每次點擊出價同每千次曝光出價… 我想講嘅係，專業嘅網絡行銷，每個行為、每個圖像同每個文字都係講求創意結合數理化嘅分析，並唔係無中生有，無的放矢。

是咁的，你以為你每日上網見到嘅廣告係亂咁出，其實係有系統喺背後分析咗你係咩人，最近搵過咩資料，平日鐘意做咩野等，先至將比較適合你睇嘅廣告顯示喺你眼前。咁點解你仲會成日見到啲完全唔關事嘅廣告? 因為都要睇廣告商識唔識做Setting。

假設你係一名非常麻甩嘅男士，如果你上網不斷見到女性內衣廣告，原因好有可能係因為該名廣告商Setting比較廣泛。如果俾你落廣告，你會用同一筆錢，將同一個廣告隨機派俾一百萬個人睇，定係派俾一百萬個有Potential嘅人睇?

雖然依家網絡行銷仲未成為一門公認嘅科學，但絕不代表網絡行銷並非一門專業，好多時只係網絡行銷哩個市場變化得太快。假如學校開設有關嘅常規課程，同學今日喺學校學到嘅，聽日已經有可能完全唔適用，亦正因為哩個原因，從事網絡行銷哩個行業嘅人，同好多其他行業相比之下，更加需要長期學習，甚至寓學習於生活，要每日喺網上觀察唔同嘅細節，學習同研究。

寫咗咁耐，Last一句。喺度希望有心喺哩行發展嘅行家們，記得要Keep住update自己，講正確嘅說話，做正確嘅事情，尊重自己嘅職業，尊重自己嘅行業。完!

The post 我不是打手 appeared first on VOICE Ltd..