坦白講，以上對話除咗令我有啲無奈之外，其實亦令我反思原來網絡行銷哩個行業，雖然已經發展咗10幾年，但認識哩個行業嘅人真係唔算多。根據本人經驗，以下係一般人對從事網絡行銷人士嘅錯覺: 論壇打手, Programmer, I.T.人, 機械人, Designer, 作家等等。

其實網絡行銷係一門科學 (賣花讚花香)，主要利用線上媒介，發展以及宣傳企業。當中方法可以仔分為: 搜尋器推廣 (例如搵野必用嘅Google, Yahoo, 百度等) , 展示式廣告 (例如十分常見嘅Banner廣告), 社交推廣 (例如你每日都會睇嘅Facebook, Instagram等), 影片廣告 (例如被Skip唔收錢嘅YouTube廣告), 仲有口碑行銷, 聯盟行銷, 電郵行銷……下刪三千字。

大家有無諗過每日上網見到嘅資訊從何而來? 每日睇Facebook時點解某位眉清目秀嘅仁兄總會排得比較前? 點解Search同一隻字，你同我嘅Search result會唔同? 點解登記會員時成日要填某堆野而唔係其他? 點解Banner廣告成日識得顯示我旅行想去嘅地方? 點解要問咁多點解?…

喺網絡世界入面，每一篇文章，每一個排序，每一個連結，每一個按鈕，背後都有不同嘅數據同分析嚟支持。包括點擊率、跳出率、停留時間、質量指數、每次點擊出價同每千次曝光出價… 我想講嘅係，專業嘅網絡行銷，每個行為、每個圖像同每個文字都係講求創意結合數理化嘅分析，並唔係無中生有，無的放矢。

是咁的，你以為你每日上網見到嘅廣告係亂咁出，其實係有系統喺背後分析咗你係咩人，最近搵過咩資料，平日鐘意做咩野等，先至將比較適合你睇嘅廣告顯示喺你眼前。咁點解你仲會成日見到啲完全唔關事嘅廣告? 因為都要睇廣告商識唔識做Setting。

假設你係一名非常麻甩嘅男士，如果你上網不斷見到女性內衣廣告，原因好有可能係因為該名廣告商Setting比較廣泛。如果俾你落廣告，你會用同一筆錢，將同一個廣告隨機派俾一百萬個人睇，定係派俾一百萬個有Potential嘅人睇?

雖然依家網絡行銷仲未成為一門公認嘅科學，但絕不代表網絡行銷並非一門專業，好多時只係網絡行銷哩個市場變化得太快。假如學校開設有關嘅常規課程，同學今日喺學校學到嘅，聽日已經有可能完全唔適用，亦正因為哩個原因，從事網絡行銷哩個行業嘅人，同好多其他行業相比之下，更加需要長期學習，甚至寓學習於生活，要每日喺網上觀察唔同嘅細節，學習同研究。

寫咗咁耐，Last一句。喺度希望有心喺哩行發展嘅行家們，記得要Keep住update自己，講正確嘅說話，做正確嘅事情，尊重自己嘅職業，尊重自己嘅行業。完!

The post 我不是打手 appeared first on VOICE Ltd..

 

Facebook一向注重用戶之間的交流，這次選擇在日本推出至2004年來首個影片廣告(Viral Film)，其主題也是圍繞「友達」(朋友) - You Are Someone’s Friend，它的目的是希望喚起群眾對如何當一個朋友的反思。我們對影片的主題不會感到意外，因為感性路線一直都是Facebook的強項，反而該想想Facebook為什麼要選擇在日本進行推廣呢?

原來Facebook在很多地方能夠呼風喚雨，在日本卻是一直「紅不起來」，直到2012年手機版普及後Facebook才漸漸登上龍頭位置，可是其對手包括Mixi、Twitter和Line緊緊跟隨其後，Facebook的龍頭位置一點也不穩固。對比起其他發達國家，Facebook在日本的影響力更顯得不足，主要是因為它和日本保守的文化存在很大的衝突。以下是其中一些例子：

•　日本的互聯網使用者不習慣實名制的社交平台，相反Facebook卻十分重視真實資料的提供，甚至更要求出生日期和血型等等個人資料，令到日本使用者非常抗拒
•　Facebook希望使用者高調地廣播自己的生活，可是日本使用者卻希望低調地和朋友們交流，所以他們更愛用Twitter傳遞私人信息。在日本，只有4%Twitter的使用者會使用「#」（hashtag，用來分類貼文）

所以Facebook的影片帶出了一個信息，Facebook傳遞的是來自朋友的正面信息，不應視為炫耀。雖然影片廣告非常正面，日本使用者看來並不太受落(負評比正評還要多)。

Facebook的首發影片廣告：

資料來源：eMarketer，Facebook Japan

The post Facebook影片廣告首發！ appeared first on VOICE Ltd..